Ўзбекистонда коронавирусга қарши яратилган препаратга патент берилди
Институт фармацевт ва фармаколог олимлари ҳамкорлигида табиий ва минерал манбалар асосида биотехнологик ва кимёвий синтез усули билан кўп компонентли «Антиковир» препарати яратилди.
Клиникагача ва клиник текширувларда препаратни коронавирус инфекциясини ҳужайралар ичига киришининг олдини олиш, вирусга қарши самарали таъсир кўрсатиши ва гуморал иммунитетни ошириши аниқлангани айтилмоқда.
Препарат компонентлари антикоагулянт, антиоксидант, цитопротектор ва иммун тизимини стимулловчи ҳамда бактериялар ва вирусларга қарши фаолликни таъминлайди. Клиник текширувларда препаратни ножўя таъсирлари кузатилмади, 92% беморларда юқори самарали таъсири аниқланган.
Препаратнинг товар белгиси Интеллектуал мулк агентлиги томонидан 2020 йил 13 ноябрда рўйхатга олинган эди. Жорий йил 14 февралда эса Соғлиқни сақлаш вазирлиги томонидан вируслар, жумладан COVID-19 вируси билан чақирилган коронавирус инфекцияси, постковид синдромини даволаш ва профилактика қилиш воситаси сифатида рўйхатга олинди.
«Антиковир» препаратига Ўзбекистон Республикаси Адлия вазирлиги томонидан №IAP 06876 рақамли патент берилди ҳамда Ўзбекистон Республикаси Ихтиролар реестрида 7 апрель куни рўйхатдан ўтказилди, дея хабар беради Фармацевтика таълим ва тадқиқот институти Матбуот хизмати.
Фото: UzA
