Ўзбекистонда коронавирусга чалинган 129 бемор ўта оғир аҳволда

TASHKENT. Kazinform – Ўзбекистонда коронавирус юқтирганлар сони 39 мингдан ошди, деб хабар беради Kazinform ЎР Соғлиқни сақлаш вазирлиги матбуот хизматига таяниб.

Вазирлик матбуот хизматининг хабар қилишича, 24 август куни маҳаллий вақт билан 10:00 ҳолатига кўра (Нур-Султан вақти билан 11:00), яна 119 одам коронавирус юқтирганлиги маълум бўлган. Жами ҳолатлар сони 39 065 тага етди.

Шундан 34 987 нафари (89 фоиз) соғайган.

Айни пайтда 3 803 нафар бемор даволанмоқда. Улардан 249 нафарининг аҳволи оғир, 129 нафари эса ўта оғир аҳволда.