Ўзбекистонда 77 нафар болада кам учрайдиган генетик касаллик аниқланган

Ўзбекистонда 77 нафар болада кам учрайдиган камёб касаллик – спинал мушак атрофияси аниқланган. Касалликнинг келиб чиқиш сабаблари ҳақида Ўзбекистон Республикаси Соғлиқни сақлаш вазири ўринбосари Элмира Боситхонова маълумот берди.
Унинг сўзларига кўра, умуртқа поғонаси мушакларининг атрофияси кам учрайдиган камёб ирсий касаллик бўлиб, онанинг ҳомиладорлиги вақтида болада учрайди. Даволаш туғилгандан кейин биринчи олти ойда бошланиши керак. Акс ҳолда, икки ёшга тўлган беморларнинг ярми вафот этади.
«Халқаро статистик маълумотлар шуни кўрсатадики, бу касаллик дунё бўйлаб ҳар 610 минг чақалоқдан бирида учрайди. Ёш беморларнинг 50 фоизи нафас етишмовчилиги туфайли икки ёшга тўлмасдан вафот этади», - дейди Э.Боситхонова.
«Ушбу касалликка чалинган 77 нафар боланинг 24 фоизи қариндошлар ўртасидаги никоҳ натижасида, 40 фоизи эса икки ёки ундан ортиқ боласи бўлган оилаларда умуртқа поғонаси мушаклари атрофияси билан туғилган, 36 фоизи отаси ҳам, онаси ҳам ушбу ген ташувчи бўлган оилада туғилган», - деди вазир ўринбосари.
Элатиб ўтамиз, аввалроқ Ўзбекистонда ирсий касалликларнинг генетик йўл билан ўтишининг олдини олиш мақсадида 2023 йил 1 июлдан бошлаб никоҳга кирувчи шахсларни молекуляр-генетик текшириш ўтказилиши ҳақида хабар берилган эди.
Муаллиф: Мадибек Жанибеков