Ўзбекистон ва Қозоғистон чегара постларининг ўтказиш қобилияти ортади

TASHKENT. UZA-Kazinform - Ўзбекистон ва Қозоғистон чегара ўтказиш постларининг ўтказиш қобилияти оширишга келишиб олди, деб хабар беради Kazinform ЎзАга таяниб.

ЎР Давлат божхона қўмитасининг маълум қилишича, 26 май куни Ўзбекистон ва Қозоғистон чегара-божхона хизматлари ўртасида видеоконференция шаклида учрашув бўлиб ўтди, унда икки давлат божхона хизматларининг тармоқ ва ҳудудий бошқармалари раҳбарлари иштирок этди.

Унда чегара-божхона постлари салоҳиятини ошириш ва келгусидаги қўшма вазифалар, божхона постларини реконструкция қилиш ва модернизация қилиш, Ўзбекистон-Қозоғистон чегарасидан ўтувчи ҳайдовчилар ва фуқаролар учун қулай шарт-шароит яратишнинг долзарб масалалари кўриб чиқилди.

Бугунги кунда Ўзбекистон-Қозоғистон чегарасида 10 та божхона пости ва 2 та божхона назорати пости мавжуд бўлиб, уларда кунига ўртача 2700 автомашина ва 7200 йўловчи ўтмоқда.