Ўзбекистон уч ойда 455 та электромобиль импорт қилган

TASHKENT. Kazinform – Ўзбекистон Давлат статистика қўмитаси уч ойда мамлакатга қанча электромобиль олиб келинганини очиқлади, деб хабар беради Kazinform ЎР Давлат статистика қўмитаси Telegram-каналига таяниб.

ЎР Давлат статистика қўмитаси дастлабки маълумотларига кўра, 2022 йилнинг январь-март ойларида Ўзбекистон 9 та хорижий давлатдан қиймати 13,5 млн АҚШ долларига тенг бўлган 455 та электромобиль импорт қилган.

Электромобиль импорти 2021 йилнинг мос даврига нисбатан 370 тага ёки 5,4 баробарга ошган.

2022 йилнинг дастлабки 3 ойида Ўзбекистон асосан қайси давлатлардан электромобилларни импорт қилган:

Хитой – 426 та;

Германия – 13 та;

Гонконг – 7 та;

БАА – 3 та;

Эстония – 2 та;

АҚШ – 1 та;

Канада – 1 та.