Ўзбекистон Марказий Осиёдаги энг меҳмондўст давлатга айланди

ТASHKENT. Кazinform - Ҳар йилги Passport Index рейтингига кўра, Ўзбекистон дунёнинг энг меҳмондўст 25 давлати қаторига кирди, деб хабар беради Кazinform мухбири.

Рейтингда фуқаролари мамлакатга визасиз кириши мумкин бўлган ёки етиб келганида қабул қилиши мумкин бўлган давлатлар сони ҳисобга олинган.

Рейтингда 25-ўринни эгаллаб, Ўзбекистон Марказий Осиёдаги энг меҳмондўст давлатга айланди. Рейтингга кўра, дунёнинг 139 та давлати фуқаролари Ўзбекистонга визасиз киришлари ёки борганларида қабул қилишлари мумкин.

Марказий Осиё давлатларидан Тожикистон 49-ўринда (мамлакат 87 давлат фуқароларига визасиз ташрифлар учун очиқ), Қирғизистон 53-ўринда (80 та давлат), Қозоғистон 54-ўринда (77 та давлат).

Лидерлар бирданига 22 мамлакат бўлиб, уларнинг аксарияти Африка қитъасида жойлашган (Нигерия, Эфиопия, Габон, Руанда, Жибути ва бошқалар). Мальдив, Камбоджа ва Комор ороллари ҳам биринчи ўринни эгаллади. 198 давлат фуқаролари ушбу мамлакатларнинг ҳар бирига визасиз ташриф буюришлари мумкин.

Туркманистон, Афғонистон ва Шимолий Корея рейтингни якунлади – бу давлатлар визасиз киришни таъминламайди.

Муаллиф: Мадибек Жанибеков