Юлия Путинцева Майами WТА 1000 турнирининг иккинчи босқичига чиқди
ASTANA. Kazinform — Қозоғистоннинг иккинчи, дунёнинг 68-ракеткаси Юлия Путинцева Майамида (АҚШ) WТА 1000 турнирининг иккинчи босқичига чиқди.

Қозоғистонлик теннисчи жаҳон рейтингида 74-ўринни эгаллаб турган испаниялик Кристина Буча билан илк учрашувини муваффақиятли ўтказди.
Биринчи ўйинда Ю.Путинцева 6:2 ҳисобида устун келган бўлса, иккинчи ўйинда К.Буча жавоб қайтарди – 6:3.
Учинчи, ҳал қилувчи сетда Юлия ғалаба қозонди – 6:4.
Икки соату 17 дақиқа давом этган баҳсда Путинцева 13 та брейк-пойнтдан 8 тасини ва 1 та эйсни ўтказиб юбормади. Буча ҳам ортда қолмади - 1 та эйс, 7 та брейк (14 брейк-пойнт).
Юлия Путинцева учинчи босқичга чиқиш учун дунёнинг 15-ракеткаси россиялик Людмила Самсонова билан беллашади.
Мусобақани иккинчи даврада бошлайдиган Қозоғистоннинг биринчи, жаҳоннинг 4-ракеткаси Елена Рибакинанинг рақиби аниқ бўлди. У рейтингда 91-ўринни эгаллаб турган даниялик Клара Таусон билан рақобатлашади. Фаолиятини саралаш баҳсларида бошлаган К.Таусон биринчи даврада дунё рейтингида 50-ўринни эгаллаб турган америкалик Кэролайн Доулхайдни 6:3, 3:6, 6:2 ҳисобида мағлуб этди.
Ўтган йили Майамида бўлиб ўтган мусобақада Е.Рибакина финалгача етиб бориб, чехиялик Петра Квитовага ютқазган бўлса, Ю.Путинцева биринчи босқичда муваффақиятсизликка учраган эди.
Ўтган йилги натижаларини яхшилаган Ю.Путинцева WTA Live рейтингида 65-ўринга кўтарилди.