Январ воқеаларидан зарар кўрган 1491 та кичик бизнес субъектларига компенсация тўланди

NUR-SULTAN. Kazinform – ҚР Миллий иқтисодиёт вазирининг биринчи ўринбосари Тимур Жақсилиқов Ҳукумат йиғилишида январ воқеаларидан зарар кўрган кичик ва ўрта бизнеснинг аниқ сонини маълум қилди, деб хабар беради Kazinform мухбири.

«Бугунги кунга келиб, дастлабки маълумотларга кўра, январ воқеалари натижасида 1630 та кичик ва ўрта бизнес субъектлари зарар кўрган, тахминан 38,6 млрд. тенгега зарар етказилган.

Бугунги кунга қадар 1491 та кичик ва ўрта бизнес субъектларига умумий қиймати 8,3 млрд. тенгега тўлов олди.

Ушбу муаммони ҳал қилиш учун 2021 йил 30 декабрда Давлат раҳбари Қозоғистон Республикасида тадбиркорлик соҳасида янги тартибга солиш сиёсатини жорий этиш тўғрисидаги қонунни имзолади», - деди вазир ўринбосари.

Унинг сўзларига кўра, январ ойидаги оммавий тартибсизликлардан зарар кўрган кичик ва ўрта бизнесни қўллаб-қувватлаш бўйича бир қатор шошилинч чора-тадбирлар кўрилди.

Улар:

- кичик ва ўрта корхоналарга етказилган мулкий зарарни қоплаш;

- жисмоний ва юридик шахсларнинг кредитлари бўйича тўловларни кечиктириш;

- солиқ ва божхона текширувлари ва бошқа чоралар тўхтатилади.

Эслатиб ўтамиз, «Қозоғистон халқига» жамғармаси раиси ўринбосари Ляззат Шинғисбаеванинг маълум қилишича, январ воқеаларида вафот этганларнинг яқинлари учун маблағ ажратилган.

Муаллиф: Есимжан Нақтибай