Янги Рим Папаси ҳақида нималарни биламиз
ASTANA. Kazinform – Пайшанба оқшомида Сикстин капелласининг мўридан оқ тутун кўтарилди, бу конклавидаги кардиналлар Рим Папаси Францискнинг ўринбосарини танлашда муваффақият қозонганидан дарак беради. Танлов 69 ёшли Роберт Фрэнсис Превога тушди.
Унинг сайланиши икки кун ичида тўртта овоздан сўнг бўлиб ўтди ва бу конклав тарихидаги энг қисқа сайловга айланди.
Европа матбуоти бу Рим Папаси Франциск вафотидан кейин кардиналларнинг тезда етакчиликни тиклаш ва бирдамлик намойиш этиш истагидан далолат, деб ёзди.
Америкалик кардинал кутилмаганда Европа ва бутун дунёда кўпчилик учун Рим-католик черковининг 267-бошлиғига айланди. Унинг номи аниқ фаворитлар қатори эмас эди, лекин Р.Прево номи Ватикан мутахассисларига номаълум, дейиш нотўғри бўлади.
Янги Рим Папаси Лев XIV исмини олди.
Рим Папаси танлаган исм унинг келажакдаги сиёсатини кўрсатади, деб ишонилади. Рим Папаси Лев XIII 1878 йилдан 1903 йилгача Муқаддас тахтда ўтирди ва фаол дипломатияси билан ёдда қолди. Унинг ҳукмронлиги даврида Ватиканнинг дунёнинг кўплаб мамлакатлари билан алоқалари яхшиланди. Шундай қилиб, Р. Прево ташқи сиёсатга катта эътибор беришини кутиш мумкин.
Италиянинг Ansa ахборот агентлигига кўра, кардинал Роберт Фрэнсис Прево қизиқарли шахс бўлиб, Шимолий ва Жанубий Америка кардиналлари бўлган конклав сайловчиларининг анча катта гуруҳидан папаликка номзод бўлган.
Роберт Фрэнсис Прево марҳум Папа Францискга яқин эди. 2023 йилдан бери у эпископлар ишлари бўйича префект ва Лотин Америкаси бўйича Понтифик комиссияси президенти бўлиб ишлаган.
У Чикагода француз августинияликлар оиласида туғилган ва канон ҳуқуқи бўйича олий маълумот олган. У 1985 йилдан 1999 йилгача Перуда миссионерлик қилган.
Чикагога қайтиб, у 2001 йилда Авлиё Августин ордени приори бўлди, у бу лавозимни 2013 йилгача эгаллади. Ўша йили у Чиклайо эпископи сифатида Перуга қайтди.
Рим Папаси Франциск уни 2023 йилда Римга таклиф қилди.
Испан, португал, италян ва француз тилларини яхши биладиган америкалик епископ Перудаги маргинал халқлар ва муҳожирларга алоҳида эътибор қаратди, Франциск буни юқори баҳолади.
Эпископлар префекти сифатида у юзлаб прелатларни тайинлади ва Франциск каби диндор, очиқ ва илғор одамлар авлодини яратди.
Роберт Фрэнсис Прево вазмин ва жиддий кардинал обрўсига эга бўлди. 2023 йилда у Давлат котиби Пьетро Паролин билан биргаликда Германия синодал йўли масаласини ҳал қилди.
Бу немис епархияларида баҳс бўлиб, улар жуда инновацион бўлишига ва бўлинишга олиб келиши мумкин эди.
"Кучли номзодлари бўлмаган Лотин Америкаси кардиналлари илғор ва консерваторлар бўлиб иккига бўлинган америкаликларнинг овози аниқ унинг номига тўҳталган", – деб ёзади Италия матбуоти.
Янги Рим Папаси энг қизғин мавзуларда камдан-кам гапирди: у ўзининг вазминлиги билан ажралиб туради ва самарадорлиги ва тинглаш қобилияти билан кардиналлар орасида обрўга эга.
Бундан ташқари, черковнинг янги раҳбари Францискнинг ислоҳотларини давом эттиради, аммо мўътадилроқ йўналишда. Бу, эҳтимол, католик черкови янги пападан кутган нарсадир.
Рим Папасининг биринчи нутқи тинчликка бағишланди.
“Ҳаммангизга тинчлик тилайман! Азиз ака-опалар, бу Худонинг отари учун ҳаётини фидо қилган эзгу чўпон, қайта тирилган Исонинг биринчи саломи. Шу тинчлик тилаклари юракларингизга сингсин, оилаларингизга, ҳамма одамларга, қаерда бўлмасин, барча миллатларга, бутун ер юзига етсин дейман. Тинчлик бўлсин!” – деди католик черковининг янги раҳбари диндорларга.
Биз аввалроқ Роберт Прево янги Рим Папаси бщлганини ёзган эдик.
ҚР Президенти Рим Папаси Лев XIV га табрик телеграммаси йўллади.
