Xусийлар Исроил кемасига ҳужум уюштирди

ASTANA. Kazinform – Яман шарқида ҳукмронлик қилаётган “Ансар Аллоҳ” ҳаракати (xусийлар) Аден бўғозида Исроил кемасига ҳужум қилиб, Эйлат шаҳрини ракета билан ўққа тутди, деб хабар тарқатди Яманнинг “Ал-Масира” телеканали орқали хусийлар вакили Яҳё Сариа.

Пайшанба куни ҳаракат етакчиси Абдул Малик Ал-Хусий Ғазо секторида 202 кундан буён давом этаётган ҳарбий ҳаракат давомида улар 102 та юк кемасига ҳужум уюштиргани ҳақида баёнот берди. Унинг таъкидлашича, Эйлат шаҳридаги Исроил порти доимий ҳужум туфайли фаолиятини тўхтатган. Хусийлар ўтган йил октябрь ойида, яъни Ғазода ҳарбий амалиёт бошлангандан кейин, Исроилга қарашли ёки ушбу давлатга алоқаси бор кемаларнинг Қизил ва Араб денгизидан ўтишига тўсқинлик қилиб келмоқда.