“X”да видеоқўнғироқлардан фойдаланиш имконияти пайдо бўлди

“Twitter” ребрендинги натижасида яратилган “X” ижтимоий тармоғида янги функция ишга туширилди. Энди унда аудио ва видеоқўнғироқлардан фойдаланиш мумкин, деб хабар беради Kazinform ЎзАга таяниб.

“X” тармоғи Бош директори Линда Яккарино бу ўзгариш ҳақида август ойида маълум қилган эди. Кўриниб турибдики, “X” Илон Маск раҳбарлигида битта иловада янада кўпроқ функцияларни тақдим қилмоқчи.

Айримлар учун аудио ва видеоқўнғироқлар имконияти жуда яхши янгилик, аммо хавотирга соладиган бир жиҳат бор: қўнғироқ функцияси ишланмага мувофиқ ёқилган. Агар сиз “X” тармоғидаги қўнғироқларни қабул қилишни истамасангиз, унда шахсий хабарлар созламасига кириб, уни ўчириб қўйишингиз керак бўлади. Бундан ташқари, сизга кимлар, яъни текширилган аккаунтлар ёки фақатгина обуначилар қўнғироқ қилиши мумкинлигини танлашингиз ҳам мумкин.