Вержил Ортис: Исроил Мадримов — элита жангчиси

TASHKENT. Kazinform - Супер яримўрта вазн тоифасида WBC Interim чемпиони Вержил Ортис (22-0, 21 КО) собиқ WBA чемпиони Исроил Мадримов (10-1-1, 7 КО)га қарши жанг ҳақидаги фикрлари билан ўртоқлашди, деб хабар беради Kazinform агентлиги ЎР профессионал бокс федерациясига таяниб.

Вержил Ортис: Исроил Мадримов — элита жангчиси
Фото: Richard Pelham

"Мен ҳар қандай чорловни қабул қиламан. Ушбу кардда эканимдан миннатдорман. Бу ерда бўлиш мен учун катта шараф. Мен энг яхшилар билан жанг қилмоқчиман. Бу ким бўлиши қизиқ эмас.

Богачукдан кейин Кроуфорд билан жанг ўтказмоқчи эдик. Буни амалга оширишнинг имкони бўлмади. Энди Мадримов билан жанг қиламиз. Мен ўтмишдаги боксчилардек бўлишни хоҳлайман. Бу менинг мақсадим. Исроил билан классик жанг бўлади. Мадримов элита жангчиси ва мен унга қарши рингга чиқишдан жуда хурсандман", — деди Ортис.

Эслатиб ўтамиз, Исроил Мадримов ва Вержил Ортис ўртасидаги жанг 22 февраль куни Ар-Риёд шаҳрида бўлиб ўтади.

Сўнгги хабарлар