Ўзбекистонда мобил рақам қарийб 85 минг долларга сотилди

TASHKENT. Kazinform - Ўзбекистондаги энг қиммат мобил телефон рақами қарийб 85 минг долларга сотилди, деб хабар беради Кazinform мухбири.

Ўзбекистон Республикаси товар-хомашё биржаси маълумотларига кўра, 2024 йил 20 март куни кимошди савдолари натижасида 1,07 миллиард сўмга (84,7 минг доллар) мобил телефон рақами сотилган. Бу савдо платформаси ишга туширилгандан бери мобил рақам учун рекорд миқдордир.

– Бошланғич нархи 200 000 000 сўм бўлган ушбу мобил рақам жисмоний шахслар учун мўлжалланган. Уч соатдан ортиқ давом этган онлайн-аукционда 10 нафар иштирокчи қатнашиб, 87 та нарх таклифини тақдим этди. Натижада ушбу мобил рақамнинг бошланғич нархи беш бараварга ошди, - дея биржадан маълум қилишди.

Аукцион ташкилотчилари абонент рақамини ошкор қилмасдан, аукцион ғолиби ушбу мобил рақамни уяли алоқа компанияси операторида 10 иш куни ичида рўйхатдан ўтказиши кераклигини қўшимча қилди.

Муаллиф: Мадибек Жанибеков