Ўзбекистонда машҳур автомобиль моделларининг йиллик ҳажми икки кун ичида сотилиб кетди

UzAuto Motors икки кун ичида Ўзбекистон ички бозори учун 2024 йилда ишлаб чиқарилиши режалаштирилган Chevrolet Cobalt, Damas ва Labo автомобиллари ҳажми бўйича шартномани якунлади, деб хабар беради Каzinform мухбири.

UzAuto Motors маълумотларига кўра, 25 ва 26 декабрь кунлари харидорлар билан келгуси йилда автомобиль етказиб бериш бўйича 171,2 мингта шартнома тузилган. Шартномалар UzAutoSavdo иловаси ва savdo.uzavtosanoat.uz сайти орқали онлайн тарзда тузилган. Компаниянинг қўшимча қилишича, онлайн савдо жараёнида киберҳужумлар туфайли вақти-вақти билан техник муаммолар юзага келган.

- UzAutoSavdo онлайн савдо тизимида 7000 та киберҳужум кузатилди. Бу даврда тизимда жами 3 миллиондан ортиқ фаол сеанслар рўйхатга олинган. Бундан ташқари, ушбу давр мобайнида компаниянинг call-марказига 3 мингдан ортиқ мурожаатлар келиб тушди ва кўриб чиқилди, - деб хабар берди UzAuto Motors.

Илгари “олиб сотар”ларга қарши курашиш ва барча истеъмолчиларга тенг имкониятлар яратиш мақсадида Ўзбекистон ҳукумати янги автомобилларни сотиш қоидаларига ўзгартиришлар киритган эди. Янги қоидаларга кўра, 12 ой ичида иккитадан ортиқ олди-сотди шартномасини тузган мижозга машина етказиб бериш бўйича янги шартнома рад этилади.

Муаллиф: Мадибек Жанибеков