Ўзбекистонда энг кўп савдо соҳасида оилавий корхоналар фаолият юритмоқда

TASHKENT. Kazinform — Миллий статистика қўмитаси маълумотларига кўра, Ўзбекистонда 2025 йил 1 июнь ҳолатига фаолият кўрсатаётган оилавий корхоналар 37 718 тани ташкил этди.

Уларнинг сони йил бошидан 1 453 тага ошган. Шунингдек, улар соҳалар кесимида таҳлил қилинганда энг юқори улуши савдо соҳасига (40,1 фоиз) тўғри келмоқда.

Фаолият юритаётган оилавий корхоналарнинг соҳалар кесимидаги сони:

• савдо соҳасида – 15 134 та;
• саноат соҳасида – 8 531 та;
• яшаш ва овқатланиш бўйича хизматлар соҳасида – 7 208 та;
• қишлоқ, ўрмон ва балиқчилик хўжалиги соҳасида – 2 576 та;
• соғлиқни сақлаш ва ижтимоий хизмат кўрсатиш соҳасида – 634 та;
• ташиш ва сақлаш соҳасида – 344 та;
• қурилиш соҳасида – 302 та;
• ахборот ва алоқа соҳасида – 240 та;
• бошқа соҳаларда – 2 749 тани ташкил этди.

Эслатиб ўтамиз, аввалроқ Ўзбекистонда қанча МЧЖ фаолият юритаётгани ҳақида хабар берган эдик.