Ўзбекистон темир йўлида йўловчиларга йўл давомида чой, ичимлик суви, шакар бепул берилади

TASHKENT. Kazinform - “Темир йўл транспорти соҳасида давлат томонидан тартибга солинадиган ва бозор тамойиллари асосида кўрсатиладиган хизматлар рўйхатини тасдиқлаш тўғрисида”ги Ҳукумат қарори қабул қилинди, деб хабар беради Kazinform агентлиги UzAга таяниб.

Унга кўра, қуйидагилар тасдиқланди:

— Темир йўл транспорти соҳасида давлат томонидан тартибга солинадиган хизматлар рўйхати;

— Темир йўл транспорти соҳасида бозор тамойиллари асосида кўрсатиладиган хизматлар рўйхати;

— Темир йўл транспорти соҳасида истеъмолчиларга бепул кўрсатиладиган хизматлар рўйхати.

Бунда истеъмолчиларга аравача, она ва бола хонасидан фойдаланиш, кутиш залида Wi-Fi, ногиронлар учун аравачалар, йўл давомида чой, ичимлик суви, шакар бепул тақдим этилади.

Эслатиб ўтамиз, Ўзбекистонга туристик мақсадларда борган чет эл фуқаролари неча нафарни ташкил этгани ҳақида хабар берган эдик.