Ўзбекистон Лос-Анжелес Олимпиадасида кучли ўнталикка кириш ниятида
TASHKENT. Kazinform – Ўзбекистон миллий терма жамоаси 2028 йилда Лос-Анжелесда бўлиб ўтадиган ёзги Олимпиада ўйинларида кучли ўнта терма жамоа қаторидан жой олиши керак, деб хабар беради Kazinform агентлигининг Ўзбекистондаги мухбири Алихан Асқар.
Ўзбекистон Президенти Шавкат Мирзиёев спорт соҳасидаги масалалар муҳокама этилган кенгашда мутасаддиларга шундай топшириқ берди. Бунинг учун ҳукуматнинг масъул аъзоларидан тортиб, туман ва қишлоқ ҳокимларигача ишни тизимли ташкил этиш мажбурияти юкланди.
Йиғилишда Шавкат Мирзиёев спорт федерациялари раислари ва республика ташкилотлари раҳбарларининг фаолиятини танқид қилди. Хусусан, мутасаддилар ва мураббийлар ўртасида алоқа йўқ. Унинг оқибатлари спортдаги паст натижаларга олиб келмоқда.
“Ўзбекистон Олимпия тарихи фақат жанг санъатидаги ютуқлар билан ёзилган. Париждаги мусобақада бокс, дзюдо, таэквондо, оғир атлетика ва эркин кураш бўйича медалларни қўлга киритдик. Шунинг учун бошқа спорт турларини ривожлантириш керак. Мамлакат нуфузи, халқ маънавиятини юксалтиришда спортнинг алоҳида ўрни бор”, – деди Ўзбекистон Президенти.
Ўтган йили Париж Олимпиадасида Ўзбекистон терма жамоаси умумжамоа ҳисобида 13-ўринни эгаллаган эди. Шу билан бирга, Ш.Мирзиёев Франциядаги натижалар билан қаноатланмаслик кераклигини таъкидлади.
Бу камчиликларни бартараф этиш мақсадида ҳар бир вилоятда Миллий олимпия қўмитасининг филиаллари очилади. Бундан ташқари, ҳудудларда спортчиларни саралаш учун рақамли платформа яратилади. 4-йилнинг асосий танловига тайёргарликни кучайтириш мақсадида зарур инфратузилмани яратишга 300 миллиард сўм (23 миллион долларга яқин) йўналтирилади.
Ўтган йили олимпиада совриндорларини мукофотлаган Ш.Мирзиёев Ўзбекистон тарихий муваффақиятга эришганини маълум қилди.
