Ўзбекистон кўмир қазиб олишни 10 миллион тоннага етказмоқчи

Кўмир
Фото: Kazinform

ТASHKENT. Кazinform - Ўзбекистон келгуси йилда кўмир қазиб олишни 10 миллион тоннага етказишни режалаштирмоқда. Бу ҳақда Президент Шавкат Мирзиёев иштирокидаги йиғилишда маълум қилинди, дея хабар беради Каzinform агентлигининг Ўзбекистондаги мухбири Алихан Асқар.

Президент матбуот хизмати хабарига кўра, Ўзбекистонда кўмир захиралари қарийб 2 миллиард тоннани ташкил этади. Шу билан бирга, Шавкат Мирзиёев ушбу соҳага халқаро стандартларни жорий этиш, кўмир сифатини ошириш, инвестиция лойиҳаларини жадаллаштириш бўйича масъул мутасаддиларга топшириқ берди.

Ўзбекистон ҳукумати тақдим этган режага кўра, кўмир қазиб олиш жорий йилда 8 миллион тоннага, келгуси йили эса 10 миллион тоннага етиши керак.

Таъкидлаш жоизки, ўтган йили мамлакатда ишлаб чиқарилган қаттиқ ёқилғи ҳажми 6,5 миллион тоннани ташкил этди.

Бундан ташқари, жорий йилнинг январь ойида Шавкат Мирзиёев аҳоли, ижтимоий соҳа ва саноат эҳтиёжларини ҳисобга олган ҳолда кўмир қазиб олишни 22 фоизга ошириш бўйича топшириқ берган эди.

Сўнгги хабарлар