Ўзбекистон Афғонистонга 200 тоннага яқин инсонпарварлик ёрдами жўнатди
TASHKENT. Kazinform – Шавкат Мирзиёев топшириғига асосан Афғонистон халқи учун Наврўз байрами ва Рамазон ойи муносабати билан мўлжалланган 200 тоннага яқин озиқ-овқат маҳсулотларидан иборат навбатдаги инсонпарварлик юки Балх провинциясига етказилди.
Бу ҳақда Сурхондарё вилояти ҳокимлиги матбуот хизмати хабар берди.
Қўшни давлатга етказиб берилган зарур озиқ-овқат маҳсулотлари Ўзбекистон Президентининг Афғонистондаги махсус вакили Исматилла Иргашев, Сурхондарё вилояти ҳокими Улуғбек Қосимов, шунингдек, Мудофаа, транспорт, қурилиш ва уй-жой коммунал хизмат кўрсатиш вазирликлари ҳамда Мудофаа вазирликлари, шунингдек, Балх провинцияси губернатори Муҳаммад Юсуф Вафо ва икки томоннинг расмий вакиллари иштирокида топширилди.
Инсонпарварлик ёрдами ун, буғдой, макарон, ўсимлик ёғи, шакар, тез тайёрланадиган таомлар, қизил ловия ва мошдан иборат.
Шунингдек, Мозори Шарифда икки томонлама учрашув бўлиб ўтди ва унда келгусидаги ҳамкорликни ривожлантириш масалалари муҳокама қилинди. Суҳбат чоғида Ўзбекистон томонидан Афғонистонда барпо этилаётган Имом Бухорий мақбараси қурилиши юзасидан фикр алмашилди.
Афғонистоннинг расмий вакиллари кўрсатилаётган ёрдам учун Ўзбекистон Президенти ва халқига миннатдорлик билдириб, уларни яқинлашиб келаётган Рамазон ҳайити билан самимий табриклади.
Эслатиб ўтамиз, Ўзбекистон 2025 йилда Афғонистонга электр энергияси экспорт қилишни давом эттиради.
