Ўрмон ёнғинлари: Афина яқинидаги аҳоли пунктлари эвакуация қилинди

ASTANA. Kazinform - Грецияда ўрмон ёнғинлари билан кураш олиб борилмоқда. Ёнғинларни бартараф этишга 250 нафар ўт ўчирувчи, 12 та самолёт ва 7 та вертолёт жалб этилган, дея хабар беради Каzinform агентлиги Euronewsга таяниб.

Грецияда иссиқ ҳаво шароитида ўрмон ёнғинлари авж олди. Афинадан 30 километр шимоли-шарқда жойлашган бир қанча аҳоли пунктлари аҳолиси эвакуация қилиниши керак. Ёнғинни ўчиришга 250 нафар ўт ўчирувчи жалб қилинган. Уларга ўнлаб кўнгиллилар қўшилди.

Маълум қилинишича, баъзи жойларда олов баландлиги 25 метрга етади. Ёнғинларни ўчиришга 12 та самолёт ва 7 та вертолёт жалб этилган. Улар олов устига сув сочадилар.

Афинанинг ғарбий қисмида, Мегара шаҳри яқинида ҳам табиий офатга қарши кураш олиб борилмоқда. Бу ерда ёнғин тарқалиши чекланган эди. Ўрмон ёнғинларидан чиққан тутун пойтахт осмонида қуёшни тўсиб қўйди.

Бу ёзда Грецияда 2 мингдан ортиқ ўрмон ёнғинлари содир бўлди, улар бошқа сабаблар қатори атайлаб ўт қўйиш натижасида ҳам содир бўлди.

Иқлим инқирозини бошқариш ва фуқаро муҳофазаси вазирлиги ёнғин хавфининг юқори даражаси 15 августгача давом этиши ҳақида огоҳлантирмоқда.