Ҳуқуқ-тартибот ходимларининг иши осон эмас – Қасим-Жомарт Тоқаев

ASTANA. Kazinform – Кун бўйи хушёр бўлиш учун кўп меҳнат ва чидамлилик талаб этилади. Бу ҳақда Давлат раҳбари Қасим-Жомарт Тоқаев ҚР Ички ишлар вазирлигининг ҳайъат йиғилишида маълум қилди, дея хабар беради Kazinform Ақордага таяниб.

«Барчангизга маълумки, Ички ишлар вазирлиги давлат бошқаруви тизимида алоҳида ўрин тутадиган тузилма ҳисобланади. Жамоат тартибини сақлаш, жиноятчиликка қарши курашиш жуда муҳим вазифадир. Фуқаролар ва бутун давлат хавфсизлиги ушбу вазифалар билан бевосита боғлиқ.

Ҳуқуқ-тартибот идоралари ходимларининг иши осон эмас. Кўпинча кечаю кундуз ишлаган пайтлари бўлади. Хавфлар ҳам мавжуд. Кунига 24 соат хушёр бўлиш учун кўп меҳнат ва чидамлилик талаб этилади. Чунки оғир аҳволга тушиб қолган инсонлар, биринчи навбатда, полициядан ёрдам кутади. Фуқароларимиз сизни давлат, яъни ҳукумат вакили сифатида кўради. У хавфдан ҳимоя қилади, деб ишонилади. Шундай қилиб, сиз доимо катта масъулиятга эгасиз.

Умуман олганда, полициянинг сифатли ишлаши мамлакат ва халқ учун жуда зарур. Барчамиз бирлашган жамият сифатида полиция ходимларини ҳар томонлама қўллаб-қувватлашимиз керак. Биз, албатта, худди шундай ёрдамни тақдим этамиз. Полиция жамиятдаги энг ҳурматли касблардан бири бўлиши керак. Полиция ходимлари, энг аввало, ўз ватанига, халқига ҳалол хизмат қилиши керак. Шунинг учун ҳам биз ҳозир асосий эътиборни ички ишлар органлари фаолиятини такомиллаштиришга қаратяпмиз», – деди Қ.Тоқаев.