Уимблдон: Елена Рибакинанинг иккинчи рақиби аниқланди

ASTANA. Kazinform – Қозоғистоннинг биринчи ва жаҳоннинг 3-ракеткаси Елена Рибакинанинг Уимблдон турниридаги иккинчи рақиби аниқланди, деб хабар беради Kazinform мухбири.

Дунёнинг 47-ракеткаси, Франция вакили Ализе Корне илк учрашувини дунё рейтингида 127-ўринни эгаллаб турган япониялик Нао Хибинога қарши ўтказди.

Ёмғир туфайли бир кунга қолдирилган ўйинда А.Корне 6:2, 6:2 ҳисобида осон ғалаба қозонди. Бир соатдан сал кўпроқ давом этган мусобақа давомида у 2 та эйс амалга оширди ва барча 5 та брейк-пойнтдан фойдаланди. Рақиб 1 эйс ва 1 брейкдан ошиб кета олмади.

Е.Рибакина ва А.Корне ўртасидаги учрашув бугун, 6 июлда бўлиб ўтади.

Лондонда тез-тез ёғаётган ёмғирлар жадвалнинг ўзгаришига сабаб бўляпти. Шу боис эркаклар ўртасида Қозоғистоннинг биринчи, дунёнинг 26-ракеткаси Александр Бублик ва рейтингда 48-ўринни эгаллаб турган америкалик Жеффри Жон Вулф ўртасидаги учрашув ҳам бугун, 6 июлга кўчирилди.

Муаллиф: Ғайсағали Сейтақ