UFC Шавкат Раҳмонов ҳақида фильм суратга олди

ASTANA. Kazinform – UFCнинг YouTubeдаги каналида қозоғистонлик Шавкат Раҳмонов (18:0) ва ирландиялик Иэн Гэрри (15:0) ўртасидаги жанг ҳақида фильм намойиш этилди. Бу ҳақда Sports.kz хабар берди.

Видеода икки спортчининг машғулотлари ва жанг олдидан қилган изоҳлари акс этган.

Эслатиб ўтамиз, Шавкат Раҳмонов ва Иэн Гэрри ўртасидаги жанг 7 декабрь куни Лас-Вегасда (Невада, АҚШ) UFC 310 турнири доирасида бўлиб ўтади. Дастлаб Раҳмонов енгил вазн тоифасида UFC чемпионлик камари учун америкалик Белал Муҳаммадга (24-3) рақиб бўлиши керак эди. Аммо Муҳаммад соғлиғи сабабли жангдан бош тортди. Энди Раҳмонов Гэррини мағлуб этса, Муҳаммад билан чемпионлик учун кураш олиб бориши мумкин.

Мағлубиятсиз қозоғистонлик жангчи Шавкат Раҳмоновнинг (18-0) Dar Pro Team жамоаси Instagramдаги расмий аккаунтида спортчининг чемпионлик жанги ҳақида баёнот берган эди.

Эслатиб ўтамиз, бунгача Шавкат Раҳмоновнинг UFC 310 турниридаги рақиби малум бўлганини ёзган эдик.