Туркманистонда Межлис депутатлари сайлови бўлиб ўтмоқда

Туркманистон Межлисининг бутун мамлакат бўйлаб жами 125 нафар депутати сайланиши керак. Вилоят халқ маслаҳати депутатлари сайлови 240 та сайлов округида, этрап ва шаҳар халқ маслаҳати депутатлари — 960 та, Генгешлар депутатлари — 5897 та сайлов округида бўлиб ўтади. Овоз бериш учун 2644 та сайлов участкаси ташкил этилган.
Овоз бериш учун махсус кабиналар билан жиҳозланган хоналар ажратилган. Ҳар бир сайлов участкаси ишончли алоқа ва автотранспорт воситалари билан жиҳозланган. Жорий сайловларда ҳам овоз бериш куни 240 та сайлов участкасидан онлайн трансляция бўлиб ўтади, бу эса сайлов жараёнининг максимал даражада ошкоралиги, энг илғор технологиялардан фойдаланиш истагидан далолат беради.
Олий Межлис Қонунчилик палатаси депутатлари, халқ маслаҳати ва Генгешлар депутатлари сайловида жами 3,5 миллионга яқин сайлов ҳуқуқига эга сайловчи рўйхатга олинган.