Туркманистон Ислом тараққиёт банки билан транспорт соҳасида ҳамкорлик қилишга тайёр
ASTANA. Kazinform - Ислом тараққиёт банки (ИТБ) раҳбари Муҳаммад Ал-Жассернинг Ашхободга ташрифи чоғида Туркманистон билан ҳамкорликнинг асосий йўналишлари муҳокама қилинди. Транспорт соҳаси истиқболли йўналишлардан бири сифатида белгиланди, деб хабар беради Кazinform мухбири.
«Туркменистан сегодня» таъкидлаганидек, Туркманистон томонининг фикрича, қулай географик жойлашуви мамлакат транспорт-логистика инфратузилмасини жадал ривожлантириш, жумладан, “Шимол-Жануб” ва “Шарқ - Ғарб" йўналишларида мультимодал минтақавий ва халқаро транспорт йўлакларини шакллантириш бўйича изчил ишларни амалга ошириш учун мустаҳкам асос бўлиб хизмат қилади.
Шу нуқтаи назардан, Туркманбоши халқаро денгиз порти салоҳиятидан фойдаланган ҳолда Каспий денгизи орқали халқаро ташишни кенгайтириш учун кенг имкониятлар мавжудлиги, шу муносабат билан Туркманистон томони ушбу минтақада транспорт ва транзит йўлакларини яратиш лойиҳаларида иштирок этиш учун Ислом тараққиёт банкининг аниқ таклифларини кўриб чиқишга тайёрлиги таъкидланди.
Муаллиф: Мирас Қуандиқов
