Туркия Қозоғистон иқтисодиётига энг кўп сармоя киритган 10 та давлатдан биридир – ҚР Ташқи ишлар вазири

ASTANА. Каzinform – Мамлакатда Туркия капитали иштирокидаги 4300 компания муваффақиятли фаолият юритмоқда. Бу ҳақда мамлакатга расмий ташриф билан келган Туркия Ташқи ишлар вазири Хоқон Фидан билан учрашган Қозоғистон Республикаси Ташқи ишлар вазири Мурат Нуртилеу маълум қилди, деб хабар беради Kazinform мухбири.

«Ўрта ва кичик тадбиркорлик субъектлари томонидан ташкил этилган корхоналарда ҳам салмоқли натижаларга эришдик. Мамлакатимизда Туркия капитали иштирокидаги 4 минг 300 дан ортиқ компания самарали ишларни амалга оширмоқда. Туркия шу пайтгача Қозоғистон иқтисодиётига тўғридан-тўғри 4,7 миллиард доллар сармоя киритган ва энг йирик сармоядорлар ўнлигидан жой олган. Бугунги кунда 31 та инвестиция лойиҳаси амалга оширилмоқда, бундан ташқари 50 та янги лойиҳа ишлаб чиқилмоқда. Жорий йилда ҳам бу тенденция давом этди ва биринчи чорак якунларига кўра мамлакатимизга келган Туркия капитали 112 миллион долларни ташкил қилди»

, — деди Мурат Нуртилеу.

Вазирнинг сўзларига кўра, Туркия ва Қозоғистон келажакда сармоя миқдорини оширишдан манфаатдор.

Бундан ташқари, вазир Туркия Президенти Режеп Таййип Эрдоған ноябрь ойида Туркистонда бўлиб ўтадиган туркий давлатларнинг 10-юбилей саммитида иштирок этиш учун ташриф буюришини таъкидлади.

Бундан ташқари, жорий йилнинг 7 ойида Қозоғистон ва Туркия ўртасидаги савдо айланмаси 3,6 миллиард долларга етди.

Муаллиф: Алихан Асқар