Туркистонга ташриф буюрган халқаро кузатувчилар референдумга тайёргарликни юқори баҳоладилар

None
None
TÚRKİSTAN. Кazinform - Туркия Олий сайлов кенгаши раиси Муҳаррем Аккая бошчилигидаги гуруҳ 5 июн куни бўлиб ўтадиган референдумни кузатиб боради, деб хабар беради Кazinform мухбири.

Туркистон вилояти ҳокими Ўмирзақ Шўкеев Туркиядан келган кузатувчилар билан учрашди. Учрашувда ҳар икки томон ҳам референдумга адолатли ва ошкора тайёргарлик кўришдан манфаатдорлигини билдирди.

Вилоят ҳокими туркий халқларнинг Туркистонга алоҳида қизиқиши борлигини айтиб, турк инвесторларининг минтақа иқтисодиёти ривожига катта ҳисса қўшаётганини таъкидлади.


Туркия Олий сайлов кенгаши раиси Муҳаррем Аккая қозоқ халқига референдумнинг самарали ва муваффақиятли ўтишини тилади.

«Биз қардош давлат сифатида сиёсий кампанияда қозоқ биродарларимиз билан бирга бўлишни хоҳлаймиз. Биз нафақат Нур-Султан шаҳрида, балки қадимий Туркистон шаҳрида ҳам кузатувчи сифатида қатнашиш ниятидамиз. Марказий сайлов комиссияси раисига миннатдорчилик билдирамиз. Чунки ташкилотчилик юқори савияда эди», - деди Туркия Олий сайлов кенгаши раиси Муҳаррем Аккая.

Хорижий дипломатлар Туркистон вилоятида умумхалқ референдумига тайёргарлик кўрилганини юқори баҳолади.

Бугунги кунда тарғибот-ташвиқот ишлари билан бир қаторда сайлов участкаларининг сиёсий кампанияга тайёргарлиги ҳам юқори савияда.




Муаллиф: Қайрат Зайнишев


Сўнгги хабарлар
telegram