Туркистон вилоятида 99 ёшли уруш фахрийси коронавирусни енгиб чиқди

LEŃGİR. Kazinform – Туркистон вилояти, Ленгир шаҳрида яшовчи 99 ёшли Александра Петровна Капустина коронавирусдан соғайиб чиқди, деб хабар беради Kazinform.

Ветеранни шифохона шифокорлари махсус қарсаклар билан уйга чиқарди. Унга икки ҳафта олдин коронавирус ташхиси қўйилган. Беморда иситмаси кўтарилиб, ўпкаси шикастланиб ва заифлик пайдо бўлди. У Ленгир шаҳар касалхонасига икки томонлама пневмония билан ётқизилган.

Шифокорлар оператив равишда олиб борган тиббий чоралар ёрдамида кекса бувини икки ҳафта ичида коронавирусдан тўлиқ даволаб чиқарди.

1922 йилда туғилган кекса буви - Иккинчи Жаҳон уруши қатнашчиси.

«Мен касалхонага оғир аҳволда келдим. Ўзимни ёмон ҳис қилдим ва жуда ёмон аҳволда қолдим. Мени бу ерга зудлик билан олиб келди ва даволадилар. Бу ерда мен инсоннинг инсонга бўлган ғамхўрлигини ҳис қилдим. Мен барча шифокорларга миннатдорчилик билдираман», - деди 99 ёшли уруш фахрийси.