Тошкент шаҳридаги таълим муассасаларида 23 январдан бошлаб ўқув жараёни бошланади

ТASHKENT. UzА-Кazinform – Тошкент шаҳар ҳокимлиги мактаблар, лицейлар, коллежлар, шунингдек, олий таълим муассасаларида 23 январдан ўқиш бошланишини маълум қилди. Бу ҳақда Kazinform UzAга таяниб хабар беради.

Бундан ташқари, 18 январдан ўқув жараёни бошланиши хабар қилинган Бухоро, Андижон ва Хоразм вилоятларидаги барча таълим муассасаларида 23 январдан дарслар бошланиши маълум қилинди.

Мактабгача ва мактаб таълими вазири ўзини ўзи бошқариш органларида учинчи чоракни бошлаш масаласига бағишланган йиғилиш ўтказар экан, маҳаллий ҳокимликлар таълим муассасаларининг тайёргарлик ҳолатини яна бир бор таҳлил қилишлари зарурлигини таъкидлади.

«Ҳозирда об-ҳаво барқарорлашгунга қадар ўқувчиларни вақтинча онлайн таълим тизимига ўтказиш масаласи кўриб чиқилмоқда», — дейилади расмий хабарда.

Аввалроқ Ўзбекистондаги об-ҳаво шароити туфайли Сурхондарё ва Қашқадарё вилоятларидаги барча таълим муассасаларида қишки таътил 18 январга қадар узайтирилган эди.

Фото: uzа.uz