Тоқаев Европа комиссияси Президенти Урсула фон дер Ляйен билан учрашди
ASTANA. Kazinform – Қасим-Жомарт Тоқаев ва Европа комиссияси Президенти Урсула фон дер Ляйен “Марказий Осиё – Европа Иттифоқи” саммити доирасида учрашув ўтказди.
Суҳбат чоғида Қозоғистон ва Европа Иттифоқи ўртасида иқтисодиётнинг турли тармоқлари, рақамлаштириш ва инновациялар бўйича ҳамкорликни ривожлантириш истиқболлари муҳокама қилинди. Томонлар Қозоғистон ва Европа комиссияси ўртасида виза бериш тартибини соддалаштириш бўйича келишувга эришиш жараёни бошланганини ижобий баҳолади.
Қасим-Жомарт Тоқаев Кенгайтирилган шериклик ва ҳамкорлик тўғрисидаги битим Қозоғистон ва Европа Иттифоқи ўртасидаги кўп қиррали ҳамкорликнинг асоси эканлигини айтди.
Давлат раҳбари Қозоғистоннинг Европа билан ҳамкорлигини чуқурлаштиришнинг тўртта устувор йўналишини айтиб ўтди. Бу энергетика, йирик инфратузилма ва саноат лойиҳалари, транспорт ва логистика тармоқларини кенгайтириш, шунингдек, рақамли инновациялар, илғор технологиялар ва сунъий интеллект йўналишидаги ҳамкорликдир.
Урсула фон дер Ляйен транспорт ва логистика, жумладан, Транскаспий халқаро транспорт йўлаги бўйича лойиҳаларни амалга ошириш муҳимлигини таъкидлади. У Қосим-Жомарт Тоқаевни Қозоғистонда йирик нодир металлар конининг топилгани билан табриклади.
Томонлар C5+ЕИ доирасидаги ишларни давом эттиришга келишиб олдилар. Шу билан бирга, минтақавий ва халқаро кун тартибидаги долзарб масалалар юзасидан фикр алмашилди.
