Ўтган ҳафтада дунёда коронавирус билан касалланишнинг янги ҳолатлари сони 5,8 миллиондан ошди
Европада янги тўлқин
Баъзи Европа мамлакатларида касалланиш ҳолатлари сонининг кескин ошиши кузатилмоқда. Ҳозирда энг юқори кўрсаткич Францияда бўлиб, у ерда кунига 150 мингдан ортиқ ҳолат қайд этилмоқда, бу март ойининг охиридан бери мамлакат учун энг юқори кўрсаткичдир. Кейинги ўринда турган Германияда ҳар куни 130 000 - 140 000 одамга ковид ташхиси қўйилмоқда. Учинчи ўринда Италия, бу рақамлар кунига 100 мингдан ошиб кетди.
Шунингдек, ёз бошидан буён Испанияда касалланиш икки баравар, Австрия ва Нидерландияда уч баравар, Грецияда тўрт, Бельгияда олти баравар кўпайган. Пасайиш фақат Португалияда қайд этилган, бир қатор Шарқий Европа мамлакатларида эса вазият барқарор.
Лотин Америкаси
Лотин Америкаси мамлакатларида касалланишнинг ўсиши яна бошланди. Мексикада июн ойи бошидан буён инфекциянинг тарқалиш даражаси бирданига 10 баробар ошди. Ҳозир у ерда ҳар куни 30 000 дан ортиқ ҳолат қайд этилмоқда. Бироқ, энг юқори кўрсаткич Бразилияда бўлиб, у ерда бир кунда 70 000 га яқин одамга ковид ташхиси қўйилади. Касаллик икки ҳафтадан бери шундай суръат билан тарқалмоқда.
Ҳозирча фақат Аргентинада янги жиддий эпидемиялар қайд этилмаган.
Осиё ва Яқин Шарқ
Ҳиндистонда беш ойдан бери биринчи марта 24 соат ичида аниқланган янги ҳолатлар сони 20 000 дан ошди. Японияда касалланиш кескин ошган. Ҳозирда мамлакатда кунига 50 мингга яқин ҳолат қайд этилмоқда.
Туркияда сўнгги икки ҳафта ичида коронавирусга чалинганлар сони қарийб беш бараварга ошгани қайд этилди.
Касалликнинг ўсиши Индонезия, Малайзия ва Жанубий Кореяда ҳам қайд этилган.
Ўлим ҳолатлари кўпайиб бормоқда
Етти кун ичида COVID-19 туфайли 11,5 минг киши вафот этди, бу олдинги ҳафтага нисбатан 3 минг кишига кўпдир.
АҚШ ўлим даражаси бўйича яна биринчи ўринни эгаллади, етти кун ичида 1,6 мингга яқин одам вафот этган.
Фото: tass.ru