Теннис: Қозоғистонлик Aндрей Голубев жуфтлик баҳслари бўйича жаҳон рейтингида 28-ўринга кўтарилди

NUR-SULTAN. Kazinform - Профессионал теннисчилар уюшмаси (AТP) янгиланган рейтингни эълон қилди, дея хабар беради Kazinform мухбири.

Қозоғистон теннис федерациясидан маълум қилишларича, ўтган ҳафта Санкт-Петербург турнирида финалга чиққан Aндрей Голубев жуфтлик баҳслари бўйича рейтингда 35-ўриндан 28-ўринга кўтарилган.

Бу унинг шахсий рекорди.

Aлександр Недовесов ҳам жуфтлик баҳслари бўйича 76-ўриндан 75-ўринга кўтарилди.

Шахсий рейтингда Қозоғистоннинг биринчи ракеткаси Aлександр Бублик 34-ўриндан 36-ўринга, Дмитрий Попко 162-ўриндан 171-ўринга, Михаил Кукушкин эса 159-поғонадан 177-поғонага тушиб кетди.

Тимофей Скатов 266-дан 264-ўринга кўтарилди, Денис Евсеев 390-ўрин, Бейбит Жукаев 749-ўринни эгаллади.

Муаллиф: Елжан Ерали