Теннис бўйича Билли Жин Кинг кубоги саралаш баҳси Нур-Султанда бўлиб ўтади

NUR-SULTAN. Kazinform - Қозоғистоннинг теннис бўйича аёллар терма жамоаси апрел ойида Билли Жин Кинг кубоги учун муҳим саралаш учрашувини ўтказади, дея хабар беради Kazinform Миллий Олимпия қўмитаси сайтига таяниб.

Теннисчилар Германия терма жамоасига қарши баҳс олиб боришади. Рақиблар таркибида дунёнинг собиқ биринчи рақамли теннисчиси ва учта «Катта дубулға» турнири ғолиби Анжелика Кербер ўйнайди.

Қўшимча қиламизки, ўйин 15-16 апрел кунлари бўлиб ўтади. Унга Нур-Султандаги Миллий теннис маркази мезбонлик қилади.

Билли Жин Кинг кубоги аёллар тенниси бўйича энг йирик халқаро жамоавий мусобақадир. Турнир Халқаро теннис федерацияси томонидан ташкил этилади. 1963-2020 йилларда турнир Федерация кубоги деб аталди, 2020 йил сентябр ойида эса америкалик теннисчи Билли Жин Кинг шарафига номи ўзгартирилди.

Эркаклар ўртасидаги турнирда худди шундай мусобақа Дэвис кубоги деб аталади.