Таниқли жангчи Қуат Хамитов сув тошқинидан жабр кўрган аҳолига гуманитар ёрдам жўнатди
ASTANA. Kazinform - Қозоғистонлик ММА устаси Қуат (Найман) Хамитов (24-8-1) Атирау вилоятидаги сув тошқинидан жабр кўрган аҳолига гуманитар ёрдам жўнатди.
Бу ҳақда машҳур жангчи ўзининг Instagram саҳифасида маълум қилди.
“Аллоҳ рози бўлсин, ўз номимдан Атирау вилоятидаги сув тошқинидан жабр кўрган аҳолига инсонпарварлик ёрдами жўнатдим. Қаерда бўлишимдан қатъий назар, мен доимо халқим биланман», - деб ёзади спортчи.
У ўз видеомурожаатида мамлакатда бўлса, сув тошқинидан жабр кўрган ҳудудларга бориб хизмат қилишга тайёрлигини ҳам таъкидлади.
“Агар мен мамлакатда бўлганимда, Қулсарига бориб хизмат қилардим. Афсуски, мен ҳозир чет элда тайёргарликдаман. Шу боис халқимга, юртимга оз бўлсада фойдам тегиши учун ўз номимдан инсонпарварлик ёрдамини жўнатяпман”, – дейди Қ.Хамитов.
Шунингдек, у сув тошқинидан жабр кўрган бошқа ҳудудларга ҳам ўз ёрдамини беришга тайёрлигини билдирди.
Эслатиб ўтамиз, Хамитов айни пайтда Таиландда навбатдаги жангига тайёргарлик кўрмоқда. 11 май куни у россиялик машҳур жангчи Александр Шлеменко билан октагонга чиқади.
Хамитов ва Шлеменко ўртасидаги жанг Екатеринбургда бўлиб ўтади.
Александр Шлеменко сўнгги жангини 15 декабрь куни Екатеринбургда ўтказиб, сербиялик спортчи Александр Илични нокаут билан мағлуб этди. Айни пайтда россиялик спортчи ҳисобида 64 та ғалаба ва 15 та мағлубият бор. Агар у бошқа раундда рақиби билан дуранг ўйнаса, битта жангда мағлуб бўлган.
36 ёшли Қуат Хамит ҳисобида 24 та ғалаба, 8 та мағлубият ва 1 дуранг бор.
