Сув тошқини юртдошларимизнинг ҳамжиҳатлиги, фуқаролик масъулиятини яққол намоён этди - Александр Урмашов
ASTANA. Kazinform – Сув тошқини юртдошларимизнинг ҳамжиҳатлиги ва фуқаролик масъулиятини яққол намоён этди. Бу фикрни «Ассамблея жастары» ташкилотининг Қарағанди вилоятидаги ваколатхонаси раиси Александр Урмашов билдирди.
“Қозоғистон халқи Ассамблеясининг «Бірлік. Жасампаздық. Өрлеу» деб номланган XXXIII сессия мамлакат ва жаҳондаги мавжуд вазият контекстида муҳим сиёсий воқеа бўлди. Ишбилармонлик услуби ва онлайн форматда ўтган сессия мамлакатимиз ички ва ташқи сиёсатининг кўплаб долзарб масалаларига тўлиқ ва аниқ жавоб берди. Сессияда бутун жамият – қутқарувчилар ва кўнгиллилар, давлат хизматчилари ва тадбиркорлик вакиллари, фуқаролик фаоллари ва мамлакатимизнинг барча ҳудудларидан келган ёшларни бирлаштириш масаласига алоҳида эътибор қаратилди”, - деди у сессиядан кейин агентлик мухбири билан суҳбатда.
Шу билан бирга, сув тошқинларига қарши курашда жамоатчилик фаолларининг катта ҳиссаси борлигини, кўнгиллилар жабрланганларга ёрдам бериб, инсонпарварлик ёрдамларини йиғиш ишларини ташкил этаётганини алоҳида таъкидлади.
“Бу юртдошларимизнинг ҳамжиҳатлиги, фуқаролик масъулиятини яққол намоён этди. Энг муҳими, Президентимиз барча жабрланганларга товон пули тўланишига, бу муаммо билан ҳеч ким ёлғиз қолмаслигига ишонтирмоқда. Бунинг учун мамлакатимизда бюджет харажатлари қисқартирилади, маблағларни тежашнинг қатъий режими жорий этилади. Фуқароларнинг тезроқ нормал ҳаётга қайтиши учун давлат ҳамма нарсани қилади”, - деди Александр Урмашов.
