Сув тошқини туфайли Қозоғистонда янги жамият барпо этилади
ASTANA. Kazinform – Қозоғистонда янги ҳамжамият ташкил этилади. Апрель ойи бошида “Янги Одамлар” ёшлар ҳаракати сув тошқинига қарши кураш вақтида кўнгиллилар гуруҳини табиий офатга учраган ҳудудларга жўнатиш учун янги жамият тузишини маълум қилди.
“Ҳаммамизга тегишли” акцияси орқали сув тошқини оқибатларини бартараф этишга муҳтож ҳудудларга ўнлаб тонна инсонпарварлик ёрдами жўнатилди. Шунингдек, юзлаб одамлар турли гуруҳларда Кўкшетау, Петропавл, Орал, Атирау ва Ақмола вилоятларининг бир қанча қишлоқларига ташриф буюришди.
Табиий офатга ёрдам бериш учун юзлаб ёшлар сув босган ҳудудларга юборилди. Улар тўғон қуриш, қум қопларини тўлдириш ва бошқа ишларда қатнашдилар.
Мамлакатда содир бўлган табиий офат Қозоғистонда янги жамиятнинг пайдо бўлишига сабаб бўлди. “Янги Одамлар” ёшлар ҳаракати уюшмага “Вазиятга бефарқ бўлмаган инсонлар” деб ном берди.
