SpaceX космик кемаси илк бор Ернинг қутб ҳудудлари устидан учади
ASTANA. Kazinform – 31 март куни Илон Маскнинг SpaceX компанияси Crew Dragon космик кемасини учирди, дея хабар беради Кazinform.
31 март, душанба куни шарқий вақт билан(ЕТ)соат 21:46да, Falcon 9 ракетаси Fram2 миссиясини Флоридадаги Кеннеди космик марказининг 39А комплексидан қутб орбитасига олиб чиқди, деди SpaceX.
Миссия давомида Dragon космик кемаси ва экипажи биринчи марта Ерни қутб орбитасидан тадқиқ қилади ва Ернинг қутб ҳудудлари устидан учиб ўтади. Шунингдек, улар коинотни узоқ муддатли тадқиқ қилиш имкониятларини кенгайтириш ва коинотда инсон саломатлигини ўрганишга қаратилган 22 та тадқиқот ўтказади. Экипаж миссияси давомида коинотда биринчи рентгенограмма олиш, мушак ва суяк массасини сақлаб қолиш учун машқлар бўйича тадқиқотлар олиб бориш, микрогравитацияда қўзиқорин етиштиришни режалаштирмоқда.
Бундан ташқари, Ерга эсон-омон қайтгандан сўнг экипаж Dragon кемасини қўшимча тиббий ва жарроҳлик ёрдамисиз тарк этиш ниятида. Бу олимларга космонавтларнинг ҳам қисқа, ҳам узоқ космик парвозлардан кейин мустақил функционал вазифаларни бажариш қобилиятини баҳолаш имконини беради. Миссия қомандири - мальталик крипто-магнат Чун Ван. Унга норвегиялик кинорежиссёр Янике Миккельсен, германиялик робототехника тадқиқотчиси Рабеа Рогге ва австралиялик саргузаштчи Эрик Филлипс қўшилди, деб хабар бермоқда CNN.
ДDW қайд этишича, Рабеа Рогге коинотдаги биринчи немис аёлига айланади.
