skills.еnbek.kz онлайн ўқув платформаси янада қулайроқ бўлди

NUR-SULTAN. Кazinform – 2022 йил 9 мартдан бошлаб skills.еnbek.kz касб-ҳунар таълими онлайн платформасидаги мавжуд функциялар ва янги хизматлар оптималлаштирилди, дея хабар беради Кazinform Меҳнат ва аҳолини ижтимоий муҳофаза қилиш вазирлиги матбуот хизматига таяниб.

Давлат раҳбари 2021 йил 1 сентябрдаги «Халқ бирлиги ва тизимли ислоҳотлар – фаровонликнинг мустаҳкам асоси» мавзусидаги Халқга Мурожаатномасида коронавирус инфекцияси тарқалиши оқибатида юзага келган глобал пандемия меҳнат бозорида жиддий ўзгаришларга олиб келганини таъкидлади. Кўплаб янги касбларнинг пайдо бўлиши, кўплаб жараёнларни автоматлаштириш ва рақамлаштириш билан индивидуал рақобатбардошликни такрорий қайта тайёрлаш ва янги касбларни ривожлантириш орқали таъминлаш мумкин.

Қозоғистонликларга касбий ўсиш ва малака ошириш имкониятларини тақдим этиш мақсадида Платформа курсларни қидиришни такомиллаштирди, дарсларнинг аниқ тузилмасини, ўқув жараёнини кузатиш ва курс муаллифлари билан тезкор мулоқот қилиш имкониятини яратди.

Энди платформа фойдаланувчилари курслар ва талабалар сони, берилган сертификатлар, рейтинглар ва курс иштирокчиларининг фикр-мулоҳазалари ҳақида маълумот берувчи муаллиф профилини кўришлари мумкин.

Курс муаллифлари учун қулай дарс режалаштирувчиси, чоп этилган курсларнинг статистик маълумотлари ва самарадорлигини кўриб чиқиш, сертификатларнинг турли дизайнлари, шунингдек, ўқитиш нархини дастлабки ҳисоблаш учун онлайн калькулятор мавжуд.