Швейцария 1,5 миллион кишини вакцина билан эмлашни режалаштирмоқда

BRÚSSEL. Kazinform – Швейцариянинг Pfizer ва BioNTech компаниялари 3 миллион доза препаратни сотиб олиш тўғрисида шартнома имзоладилар, деб хабар беради Kazinform.

Бу Швейцариянинг COVID-19га қарши вакциналарини ишлаб чиқарувчи билан учинчи келишувдир. Аввалроқ Американинг Moderna фармацевтика компанияси билан 4,5 миллион доза вакцинани ва инглиз-швед AstraZeneca компанияси билан яна 5,3 миллион доза сотиб олиш тўғрисида шартнома имзоланган эди.

Pfizer/ BioNTech вакцинаси киши бошига икки доза талаб қилишини ҳисобга олсак, биринчи вакцина билан эмлаш Швейцарияда 1,5 миллион кишини қамраб олади.

Швейцария ҳукумати пресс-релизида «COVID-19га қарши вакциналарининг сифати, хавфсизлиги ва самарадорлиги жуда муҳимдир», - дейилади. Улар Swissmedic давлат органи томонидан тасдиқланиши ва Федерал Соғлиқни сақлаш бошқармаси томонидан фойдаланиш учун тавсия этилиши керак.

Швейцария коронавирусга қарши вакциналарни етказиб бериш учун 400 миллион Швейцария франкини (448 миллион доллар) ажратди. Дори воситалари бепул тарқатилади, аҳолининг ижтимоий ҳимояга муҳтож қатлами ва тиббиёт ходимларига имтиёз берилади. Армия вакциналарни етказиб бериш ва тарқатиш, шунингдек вакцинация марказларини ташкил этиш билан шуғулланади.