Швеция ҳукумати 2030 йилги қишки Олимпия ўйинларига мезбонлик қилиш учун аризани маъқуллади

Швеция ҳукумати мамлакат Олимпия қўмитасининг(SOK) 2030 йилги қишки Олимпия ўйинларига ариза топшириш ташаббусини қўллаб-қувватлашини билдирди, дея хабар беради Кazinform агентлиги SOK сайтига таяниб.

Шу йилнинг февраль ойида Швеция 2030 йилги Оқ Олимпиадани ташкил этиш имкониятини кўриб чиқаётгани маълум қилинган эди. Стокгольм, Фалун, Оре, Идре ва Остерсунд шаҳарлари жаҳон чемпионатига мезбонлик қилиши мумкин. Танловни ўтказиш имконияти бўйича дастлабки тадқиқотлар июнь ойида якунланди ва ариза бериш лойиҳаси иккинчи босқичга ўтди.

Швеция ҳукумати SOKга ариза учун зарур ёрдам ва молиявий кафолатни ваъда қилди.

Эслатиб ўтамиз, Швеция 2026 йилги Олимпиада ўйинларига мезбонлик қилишга номзод давлатлардан бири эди. Бироқ Халқаро олимпия қўмитаси томонидан ўтказилган овоз бериш натижаларига кўра, Италия бу имкониятга эришди.

Халқаро олимпия қўмитаси 2024 йилда 2030 ва 2034 йиллардаги қишки Олимпия ўйинларига мезбонлик қиладиган давлатни аниқлайди.