Шимолий Корея янги ядро қуролини синовдан ўтказди

ASTANA. KAZINFORM - Шимолий Корея ҳукумати АҚШ, Япония ва Жанубий Корея ўтказган машғулотларга жавобан Haeil-5-23 сув ости ядровий қурол тизимини синовдан ўтказди. Бу ҳақда Корея марказий телеграф агентлиги (ЦТАК) маълум қилди, дея хабар беради Kazinform агентлиги TASSга таяниб.

- 15 январдан бошлаб уч кун давомида Американинг Carl Vinson ядро ташувчиси, кўп функцияли Aegis жанговар тизими билан жиҳозланган Princeton крейсери, Япония ўзини-ўзи мудофаа қилиш отряди ҳарбий-денгиз кучлари кемалари ва Корея Республикаси ҳарбий-денгиз кучларининг кемалари Чеджу ороли атрофидаги денгизда қўшма ҳарбий-денгиз машқларини ўтказди, - дея маълум қилди ЦТАК. — Бунга жавобан КХДР Миллий мудофаа академияси қошидаги сув ости қуроллари тизимлари институти Шарқий денгиз сув ҳавзасида ишлаб чиқилаётган Haeil-5-23 ядровий қуролли сув ости кема тизимини синовдан ўтказди.

2023 йилнинг 24 мартида “Корея Овози” КХДР 21-23 март кунлари бўлган портлашдан кейин радиоактив цунамига олиб келиши мумкин бўлган ядровий каллакни олиб юришга қодир янги сув ости қуролини синовдан ўтказгани ҳақида хабар берди.

Унинг вазифаси яширин сув остида оғир радиоактив цунамини яратиш орқали душман флоти ва бандаргоҳини йўқ қилишдир.

​