ШҲТ давлатларининг қўшма муҳандислик хабини яратиш таклиф этилди
ASTANА. Кazinform - “Атамекен” Миллий тадбиркорлар палатаси раиси Раимбек Баталов Шанхай ҳамкорлик ташкилотига аъзо мамлакатлар ўртасида қўшма муҳандислик хаб ташкил этишни таклиф қилди.
“Биз ШҲТга аъзо мамлакатларнинг иқтисодий ҳамкорлигининг молиявий механизмларини ишлаб чиқишимиз керак. Давлат раҳбари ўтган йилнинг июль ойида ШҲТ шафелигида 20 йил ичида ҳеч қандай йирик иқтисодий лойиҳа амалга ошириш мумкин бўлмаганлигини таъкидлаган эди. Лойиҳа фаолиятини молиявий қўллаб-қувватлаш механизмларининг йўқлиги аниқ омил ҳисобланади. Шу нуқтаи назардан, Давлат раҳбарининг ШҲТнинг минтақавий лойиҳаларига тўғридан-тўғри ва портфел инвестицияларини рағбатлантириш платформаси сифатида “Астана” халқаро молия марказидан фойдаланган ҳолда алоҳида лойиҳа сифатида ШҲТ инвестиция фондини ташкил этиш ташаббуси долзарбдир”, — деди Раимбек Баталов Кенгаш пойтахтда ШҲТга аъзо давлатлар вакиллари иштирокида бўлиб ўтган ишбилармонлик кенгаши йиғилишида.
Шу муносабат билан кенгаш раиси ШҲТ ишбилармонлар кенгаши инвестиция фонди ишчи гуруҳлари билан энергетика, кон-металлургия, туризм, транспорт, қишлоқ хўжалиги ва бошқа соҳалардаги истиқболли лойиҳаларга инвестицияларни жалб этиш бўйича ўзаро ҳамкорликни ташкил этишни таклиф қилди.
“Бундан ташқари, ШҲТга аъзо давлатлар раҳбарлари томонидан 2023 йилда тасдиқланган 2030 йилгача ШҲТнинг иқтисодий ривожланиш стратегияси қоидаларини амалга ошириш мақсадида ШҲТ ишбилармонлар кенгаши фаолиятини жонлантириш бўйича Қозоғистон ташаббуси билан ишлаб чиқилган ҳужжат устида ишлашни бошлашни таклиф қиламан. Биз мультимодаль ва кўп функцияли саноат кластерлари доирасидаги лойиҳаларни амалга оширишни қўллаб-қувватлашимиз керак, ҳамда ШҲТ мамлакатларида илмий ривожланишнинг юқори даражаси ва техник мутахассисларни тайёрлаш сифатини ҳисобга олган ҳолда, қўшма муҳандислик хаб яратиш имкониятларини кўриб чиқишни тавсия этаман», - деди у.
Аввал хабар берганимиздек, Қозоғистоннинг ШҲТ давлатлари билан товар айирбошлаш ҳажми 66 миллиард долларга етди.
Бундан ташқари, ўтган йили Қозоғистонга ШҲТ давлатларидан 4,6 миллиард АҚШ доллари миқдорида инвестициялар жалб қилинган.
