Шайбали хоккей бўйича жаҳон чемпионатининг плей-офф босқичига йўл олган жамоалар аниқланди

ASTANА. Кazinform – Шайбали хоккей бўйича жаҳон чемпионатининг элит дивизионида плей-оффга чиққан барча жамоалар аниқланди.

23 май куни мусобақанинг чорак финалида Канада ва Словакия, Швеция ва Финляндия, Германия ва Швейцария, АҚШ ва Чехия терма жамоалари тўқнаш келишади.

Ярим финал баҳслари 25 майга белгиланган. Финал ва 3-ўрин учун баҳс 26 май куни бўлиб ўтади.

Эслатиб ўтамиз, бу йил Қозоғистон терма жамоаси кетма-кет бешинчи йил элит дивизиондаги ўз ўрнини сақлаб қолди.

Жаҳон чемпионати 1920 йилдан бери мунтазам равишда ўтказиб келинмоқда. Ўшандан бери ўтган даврда Канада – 28, собиқ СССР (Россия) – 27, Чехословакия (Чехия) – 12, Швеция – 11, Финляндия – 4, АҚШ – 2, Буюк Британия ва Словакия – 1 марта шоҳсупага кўтарилган.

1998 йилдан буён қозоғистонлик хоккейчилар жаҳон чемпионатининг элит дивизионида мамлакат шарафини ҳимоя қилиб келмоқда. Ҳозиргача эришилган энг юқори ютуқ 2021 йилдаги ўнинчи ўриндир.