Сербия Президенти Александр Вучич истеъфога чиқди
ASTANA. Kazinform — Сербия президенти Александр Вучич 27 сентябрда муддатидан олдинги парламент сайловларида иштирок этиш ва бош вазир лавозимига номзод бўлиш учун истеъфога чиққанини маълум қилди, деб хабар беради DW.
Вучич 2017 йил 31 майдан бери Сербия президенти лавозимида ишлаб келади. У 2022 йил апрель ойида қайта сайланган. Унинг президент сифатидаги иккинчи муддати 2027 йил ўртасида якунланиши керак эди.
Сербия Конституциясига кўра, бир шахс давлат раҳбари лавозимида икки муддатдан ортиқ ишлай олмайди.
Сентябрь ойи бошида Вучич мамлакатнинг бир палатали парламенти — Халқ скупщинасини тарқатиб юборди ва муддатидан олдинги сайловларни 25 октябрга белгилади.
Ҳокимиятдаги Сербия прогрессив партияси Вучич «Бирлашган Сербия» рўйхатини бошқаришини ва сайловда ғалаба қозонилган тақдирда бош вазир лавозимига номзод бўлишини тасдиқлади.
Сербия президенти вазифасини Халқ скупщинаси раиси Ана Брнабич бажаради.
Бундан аввал Вучич сентябрь ойи охирида истеъфога чиқиб, парламент сайловларига оддий фуқаро мақомида тайёргарлик кўриш нияти борлигини маълум қилган эди.
