Семей ядровий полигони ҳудудининг бир қисми хўжалик муомаласига ўтказилиши мумкин

ASTANA. Kazinform - Семей ядро полигони ҳудудининг бир қисми иқтисодий муомалага ўтказилиши мумкин. Бу ҳақда Қозоғистон Республикаси Бош вазири Алихан Смаиловнинг Сенат депутатининг саволига берган жавобида маълум қилинди, дея хабар беради Kazinform мухбири.

«Семей ядро полигони ҳудудининг аҳолига радиациявий хавф туғдирмайдиган бир қисми бўш ерлар тоифасидан чиқарилиб, хўжалик муомаласига киритилиши мумкин. Ядровий хавфсизлик зонаси полигоннинг тарихий чегараларида бўлади»

, — деди ҳукумат раҳбари.

Бош вазирнинг сўзларига кўра, Қозоғистон Республикасининг «Семей ядровий хавфсизлик зонаси тўғрисида»ги Қонуни мажлисида кўриб чиқилаётган лойиҳада полигоннинг тарихий чегараларидан ташқарида бўлган алоҳида ҳудудларда комплекс экологик тадқиқотлар ўтказиш кўзда тутилган. Қонун лойиҳаси қабул қилингандан сўнг полигоннинг комплекс экологик тадқиқот материаллари белгиланган тартибда давлат экология экспертига юборилади. Унинг натижаларига кўра, полигоннинг радиоактив ифлосланишга дучор бўлмаган ҳудудининг бир қисмини хўжалик муомаласига ўтказиш имконияти аниқланган.

«Шу муносабат билан мазкур вазифани тизимли ва изчил ҳал этиш заруратидан келиб чиқиб, тадбирларни ўтказиш муддатлари белгиланди. Юқоридагилардан келиб чиқиб, ер участкаларини юқорида қайд этилган Қонун қабул қилингандан кейин ва давлат экспертизалари натижаларига кўра хўжалик муомаласига ўтказиш мақсадга мувофиқ, деб ҳисоблаймиз»

, — деди Алихан Смаилов.

Муаллиф: Марлан Жиембай

Фото: gazeta.cz