Россия ва Беларусьга экспорт қилиш тақиқланган товарларнинг тўлиқ рўйхати эълон қилинди
Унинг сўзларига кўра, Россия ва Беларусьга нисбатан қатор давлатлар санкциялар жорий қилгандан кейин тадбиркорлар кўплаб муаммоларга дуч келишмоқда. Мисол учун, маълум бир маҳсулот ёки банк санкцияланиши мумкин ва ҳоказо. Бу масала нафақат Қозоғистон маҳсулотларини ушбу мамлакатларга экспорт қилишда, балки умуман олганда долзарбдир.
«Биз бутун дунё билан эркин савдо қиламиз ва ягона божхона зонаси шароитида товар айирбошлаш осонлаштирилган. Шунинг учун Қозоғистон орқали Россия ва Беларусьга ҳам кўплаб товарлар етказиб берилмоқда. Эндиги вазифамиз реэкспорт таҳдиди туфайли санкция жорий қилган давлатларнинг «алоҳида эътиборига» тушиб қолмасликдир.
Шу боис тадбиркорларга қулайлик яратиш мақсадида Бош вазир раислигидаги Оператив штаб томонидан тадбиркорлик учун «йўриқнома» яратиш тўғрисида қарор қабул қилинди. Яъни давлат органларининг расмий веб-сайтларидан бирида – http://sanction2022.kz/main – санкция жорий қилинган товарларнинг тўлиқ рўйхатини туздик«, - деди вазир.
Унинг сўзларига кўра, маълумотлар янги маълумотлар пайдо бўлиши билан янгиланади. Сайтда, шунингдек, мамлакатдаги юқори геосиёсий рисклар туфайли бозорни тарк этишга қарор қилган халқаро компаниялар рўйхати келтирилган.
Ушбу компанияларни Қозоғистонга жалб қилиш масаласига келсак, Қозоғистон постсовет ҳудудида бизнес очиш ва юритиш учун энг қулай минтақалардан бири ҳисобланади.
«Бу, ўз навбатида, реал секторга сармоя киритилиши ва янги ишлаб чиқаришлар очилишига хизмат қилади. Бу эса Президентимиз томонидан Ҳукумат олдига қўйилган асосий вазифалардан биридир. Шу боис Қозоғистонда ўз ишлаб чиқаришини очмоқчи бўлган ҳар қандай компания инвесторлар учун мавжуд бўлган барча имтиёзлардан фойдаланиши мумкин», — деди Бахит Султанов.
