Россия пойтахти марказидаги Wildberries офиси яқинида содир бўлган отишмада икки киши ҳалок бўлди
ASTANА. Кazinform - Москва марказидаги Wildberries офиси ёнида отишма юз берди ва бир неча киши ҳибсга олинди. Бу ҳақда Россиянинг ТАSS агентлигига ҳуқуқ-тартибот идораси вакиллари маълум қилди.
“Бугун бир неча киши ҳибсга олинди ва уларнинг барчаси Арбат тумани ички ишлар бўлимига олиб кетилди”, - деди агентликка хабар берган шахс.
Wildberries асосчиларидан бири Татьяна Бакальчукнинг сўзларига кўра, бу Владислав Бакальчук, Сергей Ануфриев ва Владимир Бакин бошчилигидаги муваффақиятсиз рейдерлик ҳаракатидир.
Татьяна Бакальчук ўз мурожаатида ҳуқуқ-тартибот идоралари ходимларидан вазиятни назорат қилишни сўраган.
ТАСС агентлиги хабарига кўра, Россия пойтахти Москва марказидаги Wildberries офиси олдида отишма содир бўлган. Дастлабки маълумотларга кўра, 2 киши ҳалок бўлган, яна 7 киши жароҳатланган.
Аввалроқ Wildberries ва Russ қўшма компанияси матбуот хизмати онлайн-ритейлерлар ҳамкори Владислав Бакальчук ўз қўриқчилари билан бирга офисга бостириб киришга урингани ҳақида хабар берган эди.
