Россия компанияси Туркияда иккинчи атом электр станциясини қуради
ASTANA. Kazinform - Россиянинг “Росатом” давлат корпорациясининг Туркиянинг Синоп шаҳрида иккинчи атом электр станциясини қуриш бўйича аризаси бошқа рақобатчиларни ортда қолдирди.
Мамлакат энергетика ва табиий ресурслар вазири А.Байрактарнинг таъкидлашича, “Росатом” - Туркияга сармоя киритган ва атом электр станцияларини қуришда катта тажрибага эга компания ҳисобланади.
Вазирнинг сўзларига кўра, Синоп атом электр станцияси давлат ва хусусий сектор ўртасидаги қўшма корхонага айланиши мумкин ва уни лицензиялаш тахминан 2-3 йил давом этади.
Айни пайтда Туркия ҳукумати Хитой билан Фракияда атом электр станциясини қуриш ва АҚШ билан кичик модулли реакторлар қуриш бўйича музокараларни давом эттирмоқда. Американинг Westinghouse Electric Company Туркияда кичик ва оддий ядро реакторларини қуриш ниятида экани қайд этди.
Туркия Энергетика вазирлиги ҳам Жанубий Корея ва ХХРдан таклифларни кўриб чиқмоқда, бу жараён ҳали якунланмаган.
2050 йилга келиб Туркия умумий ишлаб чиқариш қуввати 15 минг МВт бўлган жами 12 та реактор қуришни режалаштирмоқда.
Ҳозирда Росатом Туркияда биринчи бўлиб Аккую атом электр станциясини қурмоқда.
