«Рақамли Қозоғистон» дастури самарадорлиги 600 млрд тангадан ошди – Бош вазир

NUR-SULTAN. Kazinform – Бош вазир Асқар Мамин Қозоғистон иқтисодиётини рақамлаштириш мавзуларига бағишланган «Digital Samruk» анжумани пленар сессиясида иштирок этди, деб хабар беради Kazinform Ҳукумат раҳбари матбуот хизматига ҳавола қилиб.

«Дастурнинг 2018 ва 2019 йиллардаги иқтисодий ижобий таъсири 600 млрд тангадан ошди. Давлат хизматларини кўрсатиш, таълим, соғлиқни сақлаш, молия, транспорт ва тоғ-кон металлургия секторларида рақамли технологияларни жорий қилишда сезиларли ўзгаришларга эришилди. Бу Қозоғистоннинг жаҳон рейтингларидаги ўрнини яхшилашга имкон яратди», — деди А.Мамин.

Ҳукумат раҳбари Жаҳон иқтисодий форуми билан биргаликда Қозоғистонда минтақавий ҳиссадор тўртинчи революция марказини очиш лойиҳаси фаол фазага кирганини маълум қилди.

«АХММ базасидаги янги марказ бизни Исроил, Ҳиндистон, Хитой, БАА, АҚШ, Япония каби йирик молия марказлари тармоғининг ажралмас қисмига айлантиради. Бу эса ўз навбатида Қозоғистонга илғор компанияларни жалб қилишга ижобий таъсир кўрсатади», — деди А.Мамин.