Давлат томонидан аёллар ҳуқуқларини ҳимоя қилишга доимо алоҳида эътибор қаратилмоқда – Қасим-Жомарт Тоқаев
ASTANА. Kazinform - Давлат раҳбари Қасим-Жомарт Тоқаев қозоғистонликларни 8 март – Халқаро хотин-қизлар куни билан табриклади, дея хабар беради Ақорда матбуот хизмати.
— Азиз аёллар!
Барчангизни Халқаро хотин-қизлар куни билан чин қалбимдан табриклайман! Бу гўзаллик ва меҳр-оқибат тимсолига айланган нурафшон байрамдир.
Халқимиз азалдан онасини эъзозлаб, қизини қадрлаб келган. Кўплаб гўзалларимизнинг номи она тарихимизга зарҳал ҳарфлар билан битилган.
Бугунги кунда Қозоғистон аёллари турли касб-ҳунар билан шуғулланиб, тадбиркорлик ва давлат хизматида катта муваффақиятларга эришмоқда. Улар нафақат юксак марраларни забт этишди, балки онгли авлодни тарбиялаш йўлида ҳам тинимсиз меҳнат қилишмоқда.
Барча аёлларнинг ҳалол меҳнати юксак таҳсинга лойиқ. Фурсатдан фойдаланиб, Қозоғистондаги барча оналарга, гўзалларга самимий миннатдорчилигимни билдираман.
Давлат томонидан хотин-қизлар ҳуқуқларини ҳимоя қилиш, барча фуқароларнинг ҳар томонлама камол топиши учун шарт-шароит яратишга доимо алоҳида эътибор қаратилмоқда.
Меҳрибонлик, масъулият, бунёдкорлик каби олижаноб фазилатларни сингдирган хотин-қизлар мамлакатимизда амалга оширилаётган кенг кўламли ўзгаришларга катта ҳисса қўшишига ишонаман.
Барчангизга сиҳат-саломатлик ва фаровонлик тилайман! – дейилади Давлат раҳбари табригида.
